اگر امیدوار تصحیح کیلئے درخواست دیتاہے تو وہ سکول داخل خارج رجسٹر کی تصدیق شدہ فوٹو کاپی اور پرنسپل کورنگ لیٹر یا EDO (سکولز) کا جاری کردہ سرٹیفیکیٹ جسکی بورڈ حکام تسلی حاصل کر لیں کہ سکول ریکارڈ یا EDO (سکولز) کا جاری کردہ سر ٹیفیکیٹ واقعی دفتری غلطی یا یعنی ریکارڈ سے نام کو دوسرے رجسٹر یا کاغذات میں منتقلی کراتے وقت کی گئی ہے۔ ساتھ ہی اصل اخبار کی کاپی کو آفس میں جمع کرائیں۔

اگر امیدوار اپنا نام، خاندانی نام یا تاریخ پیدائش میں تبدیلی کرانا چاہتاہے تو ذیل میں دی گئی شرائط کے مطابق تبدیلی کراسکتاہے۔
(i)   امیدوار جس اخری ادارے میں پڑھاہو اس ادارے کے سر براہ کی وساطت سے سیکر ٹری صاحب کو درخواست دے گا۔پرائیویٹ امیدوار کسی تسلیم شدہ ادارے کے سربراہ کے ذریعے درخواست دے گا۔
(ii)   اپنے دعوے کی حمایت میں عدالتی حکم نامہ/ اجازت نامہ فراہم کرنا۔
(iii)  امیدوار مجوزہ فیس بمع اوریجنل سر ٹیفیکیٹ فیس جمع کرادے گا۔
(iv)  نو مسلم نام کی تبدیلی کی صورت میں فیس جمع کرانے سے مستثنی ہوں گے۔ تاریخ پیدائش میں تبدیلی کی صورت میں امیدوار کو یہ ہدایت کی جائے گی کہ وہ بورڈ دفتر کے ریکارڈ میں کی گئی درستگی کے مطابق متعلقہ سکول اور نادرا میں بھی تصحیح کروالے۔ اگر کسی امیدوار کا تعلق قبائلی علاقوں سے ہو تو عدالتی حکمنامہ/ اجازت نامہ "ازپو لیٹیکل ایجنٹ" سے نام ، ولدیت یا تاریخ پیدائش تبدیل کرایا جائے۔

امیدوار کے نام یا والد کی تصحیح جو میٹرک کاامتحان دے رہاہو یا امتحان پاس کر چکا ہو، مندرجہ ذیل شرائط کے تحت تصحیح کراسکتاہے۔ معمولی تصحیح (Minor Correction) : اس میں کسی لفظ کا نکالنا، لگانایا مٹانا ہوتاہے۔ جسے خان، جان، گل ،محمد وغیرہ یا خاندان/ قوم کے نام کو تبدیل کرنا، ایسی تبدیلیاں کسی بھی وقت بورڈ کو مطمئن کراکے کی جاسکتی ہیں۔ اس کیلئے کسی اخبار میں اشتہار اور مجوزہ فیس کو جمع کرانا ضروری ہے۔

اگر کسی امیدوار کے نام یا ولدیت کے سپیلنگ میں غلطی ہو وہ داخل خارج رجسٹر کی تصدیق شدہ فوٹو کاپی کے ساتھ Character/Domicile سرٹیفیکیٹ کی فوٹو کاپیاں بطور Supporting Documents و مجوزہ فیس کے ساتھ دفتر میں جمع کرانا۔

ا صل سرٹیفیکیٹ کی تبدیلی (Revised Certificate) : اصل سرٹیفیکیٹ کی تبدیلی کی صورت میں پرانا اصل سرٹیفیکیٹ کے ساتھ Revised DMC کی فوٹو کاپی اور مجوزہ فیس جمع کرانا ہوگا۔

ڈوپلیکیٹ سرٹیکفیکیٹ کے حصول کے لئے ہدایات درجہ ذیل ہیں۔
(i)  ہیڈ ماسٹر/ ہیڈ مسٹریس سے تصدیق شدہ ایک عدد پاسپورٹ سائز تصویر۔
(ii)  اپنے متعلقہ سکول کے ہیڈ ماسٹر/ ہیڈ مسٹریس سے فارم ہذا کی تصدیق لازمی ہے۔
(iii)  مبلغ 1000/- روپے فیس ملاکنڈ بورڈ کے دائرہ اختیار میں واقع کسی بھی الائیڈ بینک، حبیب بینک چکدرہ، یونائیٹڈ بینک واڑی اور گل آباد یا ڈاکخانہ کے برانچ میں جمع کرانے کے بعد اصل رسید اس فارم کے ساتھ لازمی منسلک کریں۔
بصورت دیگر فارم واپس کیا جائے گا۔
(iv)  مقامی اخبار میں "اشتہار برائے" گمشدگی سرٹیفیکیٹ شائع کروائیں۔ جس میں گمشدہ سرٹیفیکیٹ پر درج نام،ولدیت ، سیریل نمبر، سال اور رول نمبر واضح دیئے گئے ہوں۔ اشتہار اور اخبار کے نام کا تراشہ سادہ کاغذ پر چسپاں کرکے فارم ہذاہ کے ساتھ لف کریں۔
(v)   ڈی ایم سی کی نقل ضرور نتھی کریں۔
(vi)  شناختی کارڈ کی فوٹو کاپی (اپنی،اپنے والد یا بھائی کی) منسلک کریں۔
(vii)  داخلہ فارم نہ ملنے کی صورت میں سکول سے اصل داخل خارج رجسٹر بمع متعلقہ صفحہ کی تصدیق شدہ کاپی پیش کرنی ہوگی۔
(viii)  فرسٹ کلاس مجسٹریٹ سے دستخط شدہ حلفیہ بیان لازمی منسلک کریں۔

اوریجنل سرٹیفیکیٹ مقرر کردہ فیس کی رسید دفتر ہذا میں جمع کرانا۔

۱) ا گرکمزور ما لی وسائل کی وجہ سے ما ئیگریشن حاصل کر نا مقصود ہو تو: i۔ جس پرائیویٹ تعلیمی ادارے کو طالب علم چھوڑنا چا ہتے ہواس کے سر براہ سے تصدیقی سر ٹیفیکیٹ جو اس امرکو واضح کر تا ہو کہ واقعی طالب علم کی مالی حا لت کمزور ہے۔اور ادارے کی فیس وغیرہ برداشت نہیں کر سکتا/ کر سکتی ہے۔ i i۔ جس سکول کو مائیگریشن کر نا مقصود ہو اور وہ بھی پرائیوئٹ ادارہ ہو تو اس کے سر براہ کو چاہیے کہ سٹوڈنٹ کو ایسا سر ٹیفیکیٹ جاری کرے جس میں یہ ذکر ہو کہ سٹوڈنٹ کی غربت کی وجہ سے انکا ادارہ سٹوڈنٹ سے کو ئی فیس وغیرہ وصول نہیں کر ے گا اور سٹوڈنٹ کو فری تعلیم دلائے گا۔ ۲) اگر علاقے کے أب و ہوا کے نا موافق ہو نے کی و جہ سے مائیگریشن کر نا مقصود ہوتو متعلقہ سرکاری ہسپتال کے میڈیکل سپر ئٹنڈنٹ سے تصدیقی سر ٹیفیکیٹ پیش کر نا لازمی ہے۔ ۳) اگر سکول کے نظم و ضبط کے خاطر دونوں اداروں کے سربراہان طا لب علم کے مائیگریشن کیلئے رضامندہو تو بھی مائیگریشن ہو سکتی ہے۔ مگر اس صورت میں دونوں سر بر ا ہان کی طرف سے واضح الفاظ میں مزکورہ سر ٹیفیکیٹ منسلک کر نا لا زمی ہے۔ ۴) والدین کی کسی ایک سکول، کالج، یا دفتر سے دوسری جگہ تبدیلی کی صورت میں اگرمائیگریشن کر نا مقصود ہو تو والدین کی ٹرانسفر أرڈر کاپی منسلک کر نا ضروری ہے۔ ۵) اگر والدین ادارے کے معیار تعلیم یا ماحول سے مطمئین نہیں ہوں تو دا خلے کے تین ماہ کے دوران مائیگریشن کروا سکتے ہیں۔ ۶) کو ئی ایسا مضمون جو طالب علم پڑ ھنے کا خواہشمند ہو مگر یہ سہو لت أس متعلقہ ادارے میں موجود نہ ہو تو أس ادارے کے سر براہ سے اس بارے میں تصدیقی سر ٹیفیکیٹ پیش کر نا لازمی ہے۔ ۷) اگر دونوں اداروں کے ما بین فا صلہ 16 کلو میٹر سے زیادہ ہوں اور مائیگریشن بوجہ فیملی شفٹنگ حاصل کرانا مقصود ہو تو اس امر کو واضح کرنے کیلئے سٹوڈنٹ بیان حلفی پیش کرے گا کہ فلاں جگہ سے فلاں جگہ کو رہائش تبدیل ہونے کی بناء پر مائیگریشن سر ٹیفیکیٹ کا حصول نا گزیر ہے۔

۱) اگر مائیگریشن فرسٹ ائیر یا سیکنڈ ائیر کے لیول پر کسی ایک تعلیمی ادارے سے کسی دوسرے سرکاری ہائیرسیکنڈری سکول کو حاصل کر نا مقصود ہو اور دونوں ادارے ایک دوسرے سے 16 کلو میٹر کے فاصلے پر واقع ہوں تو پہلے ڈائر یکریٹ آف ایلیمنٹری اینڈ سیکنڈری ایجوکیشن پشاور سے (NOC) لانا ضروری ہے۔ ۲) مائیگریشن فارم کے ساتھ اپنے والدین میں سے کسی ایک یا سگے بھائی/ بہن کا کمپیو ٹرائزڈ قومی شنا ختی کارڈ کی کاپی منسلک کرنا ضروری ہے۔ ۳) مائیگریشن سر ٹیفیکیٹ ارجنٹ فیس مبلغ 500 روپے ہیں لیکن فنی خرابی یا کام زیادہ ہو نے کی صورت میں مائیگریشن سر ٹیفیکیٹ کے اجراء میں تاخیر ہو سکتی ہے۔ ۴) مائیگریشن سر ٹیفیکیٹ (ordinary) فیس مبلغ 300 روپے ہیں جو کہ حالات نارمل ہونے کی صورت میں 24 گھنٹے بعد جاری کیا جائے گا۔ ۵) مائیگریشن سر ٹیفیکیٹ منسو خ کروانے کیلئے اصل مائیگریشن سر ٹیفیکیٹ پیش کر نا لازمی ہے۔جس کیلئے مبلغ 250 روپے کینسلیشن فیس اور بیان حلفی جمع کرانا ضروری ہے۔ ۶) ڈوپلیکیٹ مائیگریشن سر ٹیفیکیٹ صرف أس بورڈ یا یونیورسٹی کو ہو سکتی ہے جہاں پہلے مائیگریشن سر ٹیفیکیٹ حاصل کیا ہو۔ اس کے لئے مطلو بہ فیس 700 روپے اور بیان حلفی جمع کرانا ضروری ہے۔ ۷) سکول ٹو سکول یا کالج ٹو کالج مائیگریشن ہر سال کے 30 نومبر کے بعد حاصل کرنا ممکن نہیں ہے۔ ۸) باقی بورڈ ٹو بورڈ یا کسی یو نیورسٹی ہر وقت ہو سکتی ہے بشرطیکہ فارم میں درج شدہ لوازمات اور معلومات مکمل ہوں۔

ہر سال میٹرک سالانہ اور انٹر سالانہ امتحان کے بعد میٹرک لیول پر Overall Top 10 میل سٹوڈنٹس اور Overall Top 5 فی میل سٹوڈنٹس کو NTS ملتا ہے۔جبکہ انٹر لیول پر Overall Top 5 پری میڈیکل، پری انجنیرنگ ، Humanities گروپ اور ایک ٹاپر سائینس جنرل گروپ والے کو NTS ملتا ہے۔ اکیڈیمک سیکشن ساری لوازمات پوری ہونے کی صورت میںNTS پراسس کرتا ہے لیکن یاد رہے کہ کوئی بھی اہل سٹوڈنٹس بہ یک وقت ڈبل سکالرشپ نہیں لے سکتاہے۔

صوبائی حکومت کے جاری کردہ ستوری دَپختونخواہ سکالر شپ پروگرام کے تحت ہر سالانہ امتحان میں سرکاری تعلیمی اداروں میں Overall Top 20 سائنس اور أرٹس میں الگ الگ طلباء و طالبات کو صوبائی حکومت کی معاونت سے بالاترتیب 10 ہزار روپے ماہانہ میٹرک لیول طلباء و طالبات اور 15 ہزار روپے ماہانہ انٹر لیول طلباء و طالبات کو آگے تعلیم جاری رکھنے کی شرط پر ملتے ہیں۔بشرطیکہ انرولمنٹ سے لے کر امتحان پاس کر نے تک سٹوڈئٹ سرکاری تعلیمی ادارے میں زیر تعلیم رہاہو۔ یاد رہے کہ بورڈ صوبائی حکومت کی طرف سے چیکس کی عدم دستیابی کی صورت میں ستوری دپختونخواہ سکالر شپ دلوانے کا پابند نہیں ہے۔یاد رہے آگے تعلیم میں پروفیشنل کورسز شامل نہیں مثلاََ PTC, CT, BEd نرسنگ وغیرہ۔

بورڈ ہر سال میٹرک لیول میںOverall فرسٹ پوزیشن ہولڈر سائینس گروپ اور Overall فرسٹ پوزیشن ہولڈر أرٹس گروپ کو گولڈمیڈل اور پچاس ہزار روپے انعام دیتا ہے۔ جبکہ باقی Overall سیکنڈ اور تھرڈپوزیشن ہولڈرطلباء و طالبات کو بالترتیب سلور اور برونز میڈلز کے علاوہ 45 ہزار اور 40 ہزارنقد انعام بھی دیتا ہے۔ انٹرمیڈیٹ لیول پر ہر کیٹیگری میں الگ الگ پوزیشن پر گولڈ،سلور،برونز اور 50 ہزار، 45 ہزار اور 40 ہزار کا انعام دیتاہے۔ یاد رہے کہ بورڈ گولڈ میڈل پروگرام کا ہر سال مناسب وقت پر انعقاد کرتا ہے اور اس سلسلے میں تمام اہل طلباء و طالبات کو پروگرام میں شرکت کے لئے مطلع کیا جاتا ہے۔

اکیڈیمک سیکشن ہر سال IBCCاورKPBCCکی ہدایت کی روشنی میں معیار پر پورا أترنے والے طلباء(صرف میل طلباء) کیلئے تفریحی اور معلوماتی پروگرام جوکہ SUMMER CAMP کے نام سے پکاراجاتا ہے، کا انعقاد کرتا ہے اور اس سلسلے میں اہل طلباء کو شرکت کیلئے بر وقت مطلع کیا جاتا ہے۔

ملاکنڈبورڈ ہر سا ل پاکستان سا ئینس فاؤنڈیشن جو کہ ایک وفاقی ادارہ ہے کہ طرف سے مختلف موضوعات اور خاکہ جات پر مبنی در جہ بالامقابلوں کا انعقاد کرتا ہے۔ہر ایک مقابلے میں فرسٹ، سیکنڈ اور تھرڈ پوزشن حاصل کرنے پر پاکستان سائینس فاؤنڈیشن اسلام أباد کی طرف سے نقد انعام ملتاہے۔

یہ عمل ہر سال عام طور پر اگست کے مہینے میں ہوتاہے۔ رجسٹریشن کیلئے صرف میل سٹوڈنٹ کیلئے عمر کی بالائی حد 19 سال مقرر ہے جبکہ فی میل مستثنیٰ ہیں۔19 سال سے زیادہ طلباء کیلئے متعلقہ ادارہ اپنے محکمہ کی صوبائی سربراہ کو عمر میں رعایت کیلئے مراسلہ لکھے گا۔جس کی کاپی سکرٹری ملاکنڈ بورڈ کو جمع کرے گا اور ایسے طلباء کو ادارہ مشروط بنیادوں پر داخلہ دے گا۔ جبکہ پرائیویٹ تعلیمی اداروں کے سربراہان Overaged طلباء کیلئے Age relaxation کا مراسلہ چئیرمین بورڈ کو کرے گا اور ایسے طلباء کو مشروط طور پر داخلہ دے گا۔ PSRA KP- ایکٹ 2017 کے مطابق پرائیویٹ تعلیمی اداروں کی Affiliation بورڈ کے ساتھ ہوگا جبکہ رجسٹریشن اور رینول KP-PSRA کے ساتھ کرایا جائے گا۔ تمام پرائیویٹ تعلیمی اداروں کے سربراہان کو ہدایت کی جاتی ہے کہ بورڈ میں اُس وقت Affiliation کے لئے رابطہ کریں جبکہ اُن کے ساتھ 9th کلاس کا انرولمنٹ ہو یا فرسٹ ائیر کی Registration ہو اور KP-PSRA نے باقاعدہ Affiliation کے لئے بورڈ کو Recommend کیا ہو۔ اس کے علاوہ باقی تمام معاملات کے لئے KP-PSRA کے علاقائی دفاتر سے رابطہ کیا کریں۔

ہر سال عام طور پر مئی یا جون میں جماعت نہم کے طلباء و طالبات کا بورڈ کے ساتھ انرولمنٹ کیا جاتا ہے۔یاد رہے کہ سٹوڈنٹ کا عمر امتحان دیتے وقت 14 سال ہونا ضروری ہے۔

ٓاصل DMCیا اس کی فوٹو کاپی کی تصدیق کے لئے اُمیدوار کو چاہے کہ اصل DMCیا DMC کی فوٹو کاپی بمعہ بینک چالان بورڈ کے سیکرسی سیکشن میں جمع کرے۔

گریس مارکس DMC وصول کرنے کیلئے اُمیدوار اصل سابقہ DMCکے بمعہ 500روپے کی بینک چالان بورڈ کے ون وینڈو سیکش (One Window Section)میں جمع کرے گا۔گریس مارکس کی سہولت اگلہ امتحان کے شروع ہونے سے پہلے حاصل کی جاسکتی ہے۔

ڈوپلیکیٹ DMCکے حصول کیلئے اُمیدوار بورڈ One Window Section میں فارم جمع کریں۔ فارم کے ساتھ والدکے شناختی کارڈ کی فوٹو کاپی بمعہ بینک چالان بورڈکے سیکرسی سیکشن میں جمع کریں۔

Re-Totaling درخواست فارم بورڈکے سیکریسی سیکشن سے حاصل اور جمع کیاجا تا ہے۔ فارم کے ساتھ بینک میں جمع شدہ فیس کی اصل رسید اور DMC کی فوٹو کاپی منسلک کریں۔ Re-Totaling کیلئے فی پرچہ فیس 600 روپے ہے۔

اس کیلئے طالب علم چیئرمین بورڈ کو رزلٹ کے 15 دن کے اندردرخواست کرسکتا ہے۔ اپیل کیلئے 1000 روپے فیس بینک میں جمع کریں اور چالان درخواست کیساتھ منسلک کریں۔